A CABECIÑA

"Descubre un asentamento fortificado da Idade do Ferro e grupos de arte rupestre únicos, nun entorno natural e paisaxístico excepcional."

Neste marabilloso entorno natural e paisaxístico da parroquia de Mougás atopamos dous dos mellores exemplos de patrimonio arqueolóxico de toda a ruta. Concretamente, temos varios grupos de arte rupestre e un excepcional exemplo de asentamento fortificado da Idade do Ferro.
Asentamento fortificado da Idade do Ferro
O castro da Cabeciña ou Castro Fariño é un magnifico exemplo de asentamento fortificado das fases iniciais da cultura castrexa (entre os séculos IX-IV antes da nosa era, é dicir fai entre 2800-2400 anos antes ca nos) e que segundo os datos publicados abandonouse moito antes da chegada dos romanos. Con todo tense referencias documentais da existencia dunha fortificación medieval no mesmo punto.
Consta de dous recintos amplos principais cara o suroeste que amosan unha superficie habitable de algo máis de 1 ha. Boa parte do asentamento está defendido por un sistema de foxo e muralla, que é ben visible dende o punto no que nos atopamos.
As escavación desenvoltas no xacemento permitiron a identificación de estruturas habitacionais de forma circular, abondoso material cerámico prerromano e obxectos metálicos pouco comúns, como un machado de talón e dous aneis.
Grupos de arte rupestre
A carón do castro na pequena chan que se atopa enfronte de onde nos atopamos existen varios grupos de petróglifos, entre os que destaca a superficie que tes aquí debuxada. Nos algo máis de 50 m2 de superficie rochosa, atopamos unha singular concentración de gravados de motivos abstractos. Destacan varios exemplos de semicírculos concéntricos, que son moi pouco habituais na arte rupestre do noroeste. Non coñecemos ben a cronoloxía deste tipo de petróglifos, pero os datos apuntan a que son da Idade do Bronce (fai uns 4000 anos aproximadamente).