Ofrece unhas fermosas vistas sobre os vales do regato de Acevedo, do río Tamuxe e do río da Cal.

A ruta iníciase no núcleo de Acevedo a 93 metros de altura sobre o nivel do mar, e ascende ata os 368 metros. Trátase da ruta máis esixente das tres debido ás fortes pendentes, a cambio, ofrece unhas fermosas vistas sobre os vales do regato de Acevedo, do río Tamuxe e do río da Cal. Nas zonas máis abertas pódese contemplar a desembocadura do Miño, coa localidade portuguesa de Caminha na marxe esquerda e o Monte Santa Tegra na dereita. Ten especial interese o tramo do percorrido que baixa polo río da Cal, pola súa beleza natural e pola existencia de varios antigos muíños.

Os Sendeiros da Valga están sinalizados en ambos sentidos, de xeito que se poden combinar os percorridos de diversos modos.

A ruta circular que conforma o perímetro das tres rutas, permite realizar un percorrido de 16,1 km que nos leva a través de bosques, brañas e regatos. Dende a profundidade do val, ata as zonas máis altas, permitíndonos incluso contemplar con claridade a desembocadura do río Miño no océano Atlántico.