"Un lugar con tres cercados onde se realiza a tradicional Rapa das Bestas. Ofrece a oportunidade de ver cabalos salvaxes e participar nunha festa ancestral."

O curro de Mougás está formado por tres cercados. No máis grande é no que se realiza o curro, no mediano téñense os cabalos que están á venda e no pequeno é onde se sitúan os poldros. O curro de Mougás é o de maior tamaño do municipio de Oia.
Así á primeira hora da mañá, os gandeiros soben ao monte e conducen aos cabalos salvaxes ata o curro. A continuación cómese no monte, no merendero ou nas cantinas, que hai nas inmediacións do curro. Xa pola tarde, os gandeiros entran no curro e separan marcando con lume e cortando as crines ás súas bestas, para despois volver deixalas en liberdade.
Do mesmo xeito que en moitas localidades galegas, son os amarradores os encargados de coller aos cabalos no peche denominado curro, aquí as bestas son collidas con vara de encabestrar.
Por último mencionar, que o único principal evento é a celebración da Rapa. Así, os gandeiros entran dentro do peche e mediante unhas técnicas xa utilizadas en tempos ancestrais, manéxanse para identificar e escoller aos seus cabalos, sanealos, cortarlles as crines e marcar ás novas reses